Almaniyanın məşhur “Lufthansa” aviaşirkəti İran-İraq münaqişəsindən sonra təyyarə yanacağının qiymətinin kəskin şəkildə artması səbəbindən oktyabr ayına qədər 20 min qısa məsafəli uçuşların ləğv edildiyini açıqlayıb.

“Cebheinfo.az” xəbər verir ki, ötən həftə pilotların və bort heyətinin tətili səbəbindən yüzlərlə uçuş ləğv edilib. Artan xərclər səbəbindən törəmə şirkəti olan “Cityline”-ın fəaliyyətini dayandırmaq qərarına gələn alman aviaşirkəti daha bir radikal qərar qəbul edib. 

Frankfurtda yerləşən “Lufthansa” Qrupu tərəfindən yayımlanan açıqlamada münaqişənin başlanğıcından bəri təyyarə yanacağının qiymətlərinin ikiqat artması səbəbindən oktyabr ayının sonuna qədər 20 min qısa məsafəli uçuşun ləğv ediləcəyi bildirilib. 

Şirkət bununla 40 min ton kerosinə qənaət edəcəyini bəyan edub. Şirkət həmçinin, altı əsas mərkəzdə uçuşları optimallaşdıraraq marşrut şəbəkəsinin yenidən qurulmasını elan edib. 

Müvafiq olaraq, Almaniyadan yola düşən uzunməsafəli uçuşlarda sərnişinlər Frankfurt, Münhen, Sürix, Vyana, Brüssel və ya Romada transferlər etməli olacaqlar. Sərnişinlər bu transferlər vasitəsilə qlobal marşrut şəbəkəsinə daxil ola biləcəklər. 

Qərara əsasən, "Lufthansa"-nın Frankfurtdan Polşanın Bıdqoş və Rzeşov şəhərlərinə, eləcə də Norveçin Stavanger şəhərlərinə uçuşları dayandırılıb. "Lufthansa"-nın əvvəllər Almaniyadan birbaşa uçuşlar həyata keçirdiyi Polşa və Norveç də daxil olmaqla ölkələrin 10 şəhərinə səyahət indi yalnız birləşdirici uçuşlar vasitəsilə mümkün olacaq.

Bəyanatda qərarların dərhal tətbiq olunduğu və may ayına qədər qüvvədə olan ilk gündən 120 reysin ləğv edildiyi bildirilir. Burada həmçinin qeyd olunur ki, may ayının sonuna qədər uçuşları planlaşdırılan bütün sərnişinlər qərarlar barədə məlumatlandırılıblar. 

Müşfiq Abdulla 
“Cebheinfo.az”