Türkiyədə növbədənkənar prezident seçkiləri keçirilə bilər. 

"Cebheinfo.az"-ın məlumatına görə, Türkiyə Prezidentinin müşaviri və Prezidentin Hüquq Siyasəti Şurasının sədr müavini Mehmet Üçüm bu barədə açıqlama verib.

O, Prezident Rəcəb Tayyib Ərdoğanın yenidən namizədliyi ilə bağlı Mehmet  Uçum mövcud sistemdə "erkən seçki" anlayışının mövcud olmadığını iddia edərək, Ərdoğanın yenidən namizədliyi üçün Konstitusiya dəyişikliyinin zəruri olmadığını bildirib.

Müşavir ilk dəfə olaraq,  2028-ci il aprelin 16-sı tarixini mümkün seçki tarixi kimi göstərib. 

Mehmet Üçüm prezidentin və parlamentin müəyyən edilmiş beş illik müddətə seçildiyini bildirərək, konstitusiya sistemində bunun "seçkilərin yenilənməsi" ilə uyğun gəldiyini vurğulayıb.

Mehmet Üçüm seçkilərin yenilənməsi qərarının həm Prezident, həm də Böyük Millət Məclisi tərəfindən verilə biləcəyini, lakin bunun yalnız müstəsna hallarda mümkün olduğunu söyləyib. 

Oxşar müzakirələrin 2019 və 2024-cü il yerli seçkilərindən sonra yarandığını xatırladan Uçum, mövcud şəraitdə erkən seçkilərin gözlənilməsinin real olmadığını iddia edib. 

Türkiyənin fövqəladə siyasi böhran içində olmadığını bildirən Mehmet Üçüm regional müharibələr, təhlükəsizlik məsələləri və "Terrorsuz Türkiyə" prosesi kimi kritik məsələlər olduğu halda, ölkəni erkən seçki gündəliyi ilə məşğul etməyin doğru olmayacağını söyləyib.

O bildirib ki, 2028-ci ilə qədər fövqəladə hallar və müstəsna hallar yaranmadığı təqdirdə, erkən seçki müzakirəsi konkret gündəm maddəsi ola bilməz.

Mövcud Konstitusiyanın Ərdoğanın yenidən vəzifəyə namizəd olmasına icazə verdiyini qeyd edən Uçum Böyük Millət Məclisinin yeni seçkilər keçirmək qərarına gələcəyi təqdirdə, Ərdoğanın "müstəsna namizədlik" hüququndan sonuncu dəfə vəzifəyə namizəd olmaq üçün istifadə edə biləcəyini söyləyib. 

Prezident Ərdoğanın yenidən seçilməsinə ehtiyac olmadığını, ancaq Türkiyənin ona ehtiyacı olduğunu iddia edən Uçum deyib:

"Prezident Ərdoğanın geniş təcrübəsi və təsirli, dünya səviyyəli liderliyi sayəsində daha bir müddət daxili və beynəlxalq proseslərdə Türkiyəyə xidmət etməsinə ölkənin ehtiyacı var.  Prezident Ərdoğanın namizədliyi və seçilməsi bu kritik məqamda Türkiyəyə böyük töhfə verəcək".

Uçum qeyd edib ki, "Cümhur İttifaqı" nın Ərdoğanın yenidən namizədliyi ilə bağlı qətiyyəti, MHP sədri Dövlət Baxçalının açıqlamalarından və AK Partiya rəsmilərinin açıqlamalarından bəllidir.

Müşfiq Abdulla
"Cebheinfo.az"