Türkiyənin daxili işlər naziri Ali Yerlikaya sosial şəbəkədə “Paralel Dövlət” (FETÖ) terror təşkilatı ilə əlaqədə şübhəli bilinən şəxslərin saxlanılması istiqamətində aparılan genişmiqyaslı əməliyyatlar barədə məlumat verib.

"Cebheinfo.az" xəbər verir ki, Türkiyə Daxili İşlər Nazirliyinin başçısının sözlərinə görə, son iki həftə ərzində ölkənin 41 vilayətində, o cümlədən Ankara, İstanbul və İzmirdə əməliyyatlar keçirilib.

“Ümumilikdə, terrorçuluqda şübhəli bilinən 361 şəxs saxlanılıb. Saxlanılanlar qadağan olunmuş təşkilatın fəaliyyətində iştirakda, terror strukturlarının ideyalarını maliyyələşdirməkdə və təbliğ etməkdə, habelə qeyri-leqal şifrlənmiş proqramlardan istifadə etməklə “ByLock” vasitəsilə mesaj ötürməkdə ittiham olunublar", -deyən nazir əməliyyatlarda iştirak edən bütün strukturların əməkdaşlarına təşəkkürünü bildirib.

"Cebheinfo.az"