Xəbər verildiyi kimi,Suriyanın xarici işlər naziri Əsaad Həsən əl-Şibani İranı Suriya xalqının iradəsinə və ölkənin suverenliyinə hörmət etməyə çağırıb.

“Cebheinfo.az” xəbər verir ki, Əl-Şibani sosial şəbəkələrdə yazıb: “İran Suriya xalqının iradəsinə, ölkənin suverenliyinə və ərazi bütövlüyünə hörmət etməlidir”.

Xarici işlər naziri İranı Suriyada xaos yaymaqdan çəkinməyə və son bəyanatlara görə məsuliyyətə çağırıb.

Əl-Şibaninin mesajı bazar günü televiziya ilə çıxışında Suriya gənclərini "ölkədə qeyri-sabitliyi təşkil edənlərə qarşı qətiyyətlə dayanmağa" çağıran İran İslam Respublikasının lideri Ayətullah Əli Xameneyiyə cavabdır. Bu cavab Tehranda böyük narahatlığa səbəb olub.Rəsmi Tehran hələlik bəyanata cavab verməyib.

Dekabrın 8-də Suriyadakı silahlı müxalifət Dəməşqi tutduqlarını və keçid hakimiyyətlərini formalaşdırdıqlarını elan etdilər.

Ötən şənbə Suriyanın müvəqqəti hökuməti əl-Şibanini xarici işlər naziri təyin edib.

Xəzər
“Cebheinfo.az”