Ankarada keçirilən NATO Zirvəsi çərçivəsində dünya liderlərinin şam yeməyində spirtli içkilərin verilib-verilməməsi müzakirə mövzusuna çevrilib.

32 üzv ölkənin iştirakı ilə Ankarada keçirilən tarixi NATO Zirvəsi çərçivəsində dünya liderləri üçün verilən xüsusi şam yeməyinin menyusu ictimaiyyətə açıqlansa da, içki siyahısının paylaşılmaması mübahisələrə səbəb olub.

“Cebheinfo.az” xəbər verir ki, jurnalist Yılmaz Özdilin sualına cavab olaraq AK Partiyasının Bursa millət vəkili Mustafa Varank suala cavab verib O bildirib ki, 2014-cü ildən bəri rəsmi dövlət tədbirlərində spirtli içkilər verilməyib. 

Yılmaz Özdil vəziyyəti aşağıdakı sözlərlə təsvir edib: 

"Yeməkdə nəyin verildiyini dəqiq bilirik. Yağdan tutmuş tomat pastasına qədər hər şeyi bilirik. Bəs spirtli içki verildi? Spirtli içki təklif edildimi? Bunu bilmirik. Tramp mal əti qabırğalarını yeyərkən ayranmı içdi? Makron dəniz levrəyi yeyərkən şərbət içdi? Meloni sütlü nuriyə yeyərkən ağ şərab içdi? Bilmirik. Başımızda Amerika torbası olarkən Fatih Sultan Mehmet körpüsünə Amerika bayrağı asmaqdan utanmırıq,  spirtli içkilərin verilməsinin ictimaiyyətə məlum olmasından utanırıq".

Özdilin tənqidlərinin sürətlə yayılmasından sonra AK Partiyadan gözlənilən açıqlama Bursa millət vəkili Mustafa Varankdan gəlib. İddialara və suallara birbaşa cavab verən Varank deyin:

"Spirtli içki qəbul edilməyib. Çünki 28 avqust 2014-cü il tarixindən etibarən spirtli içkilərin verilməsi dayandırılıb. Mən bundan narahat olan bir nəfər də olsun xarici dövlət xadimi ilə qarşılaşmamışam. Qonaq ev sahibinə tabedir".

Xəzər
“Cebheinfo.az”