Ukrayna Prezidenti Volodimir Zelenski Rusiya prezidenti Vladimir Putinin Moskvada keçirilən illik hərbi paradına qarşı diplomatik güc nümayişi üçün mayın 9-da Avropanın yüksək səviyyəli rəsmilərini Kiyevə dəvət edib.

“Cebheinfo.az” xəbər verir ki, bu barədə “Politico” yazır.

Bazar ertəsi xarici işlər naziri Andrey Sıbiqa Lüksemburqda keçirilən görüş zamanı Avropa İttifaqı həmkarlarına dəvət göndərərək onları "Avropada İkinci Dünya Müharibəsindən bəri ən böyük təcavüz qarşısında birliyimizi və qətiyyətimizi nümayiş etdirməyə" çağırıb.

Nəşrin yazdığına görə, Sıbiqa əlavə edib ki, Zelenski Rusiya ilə mümkün atəşkəs razılaşdırıldıqdan sonra Ukrayna üçün “təhlükəsizlik təminatlarını müəyyən etmək” üçün may ayında “Azadlıq naminə” koalisiyasının liderləri ilə görüşmək istəyir.

“O, görüşün harada keçiriləcəyini dəqiqləşdirməsə də, Almaniyanın gələcək kansleri Fridrix Merz də daxil olmaqla, dövlət başçılarının mayın əvvəlində Ukraynaya potensial səfəri ilə bağlı müzakirələr gedir”, -deyə iki Aİ diplomatı nəşrə bildirib.

Xəzər
“Cebheinfo.az”