Amsterdam Universitetinin Tibb Mərkəzinin holland alimləri süni intellektə (AI) əsaslanan qabaqcıl alqoritm hazırlayıblar.

O, diaqnozdan dörd ay əvvəl ağciyər xərçənginin əlamətlərini aşkar edə bilir. 

“Cebheinfo.az” xəbər verir ki, tədqiqat “British Journal of General Practice” (BJGP) elmi jurnalında dərc olunub.

Yeni texnologiya xəstənin bütün xəstəlik tarixini, o cümlədən ümumi praktiki həkimlərin strukturlaşdırılmamış qeydlərini təhlil edir.

Alqoritm həkimlərin qeydlərindəki gizli nümunələri və “qırmızı bayraqları” müəyyən edir. Bu, müntəzəm görüş zamanı xəstəliyin ilkin diaqnozunu qoymağa imkan verir.

İnkişafın müəlliflərinin fikrincə, xərçəngə yoluxma hallarının 62%-ni əhəmiyyətli dərəcədə tez aşkar etmək olar. Bu, ölümü əhəmiyyətli dərəcədə azaldacaq. Hazırda xəstələrin 80% -i gec diaqnoz səbəbindən bir il ərzində ölür.

"Hətta dörd həftəlik erkən diaqnoz proqnozu yaxşılaşdırır, yəni dörd ay minlərlə insanın həyatını xilas edə bilər",- deyə tədqiqata rəhbərlik edən professor Henk van Veert deyib.

Texnologiya artıq 2386 ağciyər xərçəngi hadisəsi də daxil olmaqla 525 526 xəstənin məlumatları üzərində sınaqdan keçirilib. Tədqiqatçılar hazırda alqoritmin müxtəlif səhiyyə sistemləri üçün uyğunlaşdırılması üzərində işləyirlər.

Xəzər
“Cebheinfo.az”