Pentaqon ABŞ ordusunun Suriya ilə bağlı Rusiya ilə əlaqə kanalını aktivləşdirdiyini bildirib.

“Cebheinfo.az” xəbər verir ki, bunu Pentaqonun sözçüsü Patrik Rayder bildirib. O deyib ki, ABŞ ordusu Suriya ilə bağlı Rusiya ilə rabitə kanalını aktivləşdirib.

“Birgə İşçi Qüvvəsinin komandiri - “Inherent Resolve” əməliyyatı Suriyadakı qüvvələrimizin coğrafi baxımdan hər birinə kifayət qədər yaxın fəaliyyət göstərdiyini nəzərə alaraq, Rusiya ilə əldə etdiyimiz qaynar xəttdən istifadə edib”,- deyə departamentin saytında deyilir.

Eyni zamanda, Ryder bu əlaqələrlə bağlı təfərrüatları açıqlamayacağını vurğulayıb.

Bundan əvvəl ABŞ Dövlət Departamentinin sözçüsü Metyu Miller Vaşinqtonun Suriyadakı terror hücumunu dəstəkləyib-dəstəkləmədiyi sualına dəqiq cavab verə bilməyib.

Eyni zamanda, “Reuters” ABŞ və BƏƏ-nin Suriyaya qarşı sanksiyaların ləğvini müzakirə etdiyini yazıb.

Xəzər
“Cebheinfo.az”