ABŞ Konqresinin Nümayəndələr Palatasının üzvü Ro Hanna "Ceffri  işi" ilə bağlı sənədlərin senzurasız versiyalarını araşdırdıqdan sonra materiallarda yer alan 6 nəfərin adını açıqlayıb.

“Cebheinfo.az” xəbər verir ki, Hanna ictimaiyyətə açıqlanan sənədlərin 70-80 faizinin senzuradan keçdiyini bildirib.

Hanna araşdırmadan sonra Nümayəndələr Palatasının kürsüsündə etdiyi çıxışın videosunu "X" sosial şəbəkə platformasındakı hesabında paylaşıb.

O qeyd edib ki, digər konqresmen Tomas Messi ilə birlikdə bir gün əvvəl ABŞ Ədliyyə Nazirliyində sənədlərlə tanış olublar:

“Orada təxminən iki saat keçirdik və gördük ki, dosyaların 70-80 faizi hələ də senzuralıdır”.

Hanna vurğulayıb ki, sənədlərdə adı keçən 6 “varlı və nüfuzlu” şəxsin kimliyi Ədliyyə Nazirliyi tərəfindən “heç bir əsas olmadan” gizlədilib. Onun sözlərinə görə, həmin şəxslər bunlardır: Les Veksner, Sultan Ahmed bin Sulayem, Salvatore Nuara, Zurab Mikeladze, Leonic Leonov və Nikola Caputo.

Konqresmen əlavə edib ki, cəmi iki saatlıq baxış zamanı bu adları müəyyən edə biliblər. Təxminən 3 milyon sənəd senzurasız araşdırılarsa, daha çox adın üzə çıxa biləcəyini deyib.

Hanna bildirib ki, Federal Təhqiqat Bürosunun (FTB) Ədliyyə Nazirliyinə göndərdiyi faylların hamısı senzuralıdır. O, bunu qəribə hal kimi qiymətləndirib: 

“Hamısı senzuralıdır. Bu, bir az qəribədir. Bütün Konqres üzvlərini Ədliyyə Departamentində “senzurasız” fayllarla tanış olmağa dəvət edirlər, lakin FTB-dən gələn bütün fayllar senzuradan keçib".

Digər konqresmen Tomas Məs­si isə "X" hesabında paylaşım edərək qeyd edib ki, Epşteyn sənədlərində adın hallanması avtomatik olaraq günahın sübuta yetirilməsi demək deyil. Bununla belə, o iddia edib ki, 2019-cu ilə aid FBI sənədində Les Veksnerin Epşteynlə birlikdə “uşaq cinsi istismarı cinayətində” ortaq kimi göstərildiyi bildirilir.

Əfsanə Rəcəb
“Cebheinfo.az”