Hər il dünyanın müxtəlif ölkələrindən olan minlərlə insan ABŞ-da yaşamaq arzusunu reallaşdırmaq üçün "Green card"a müraciət edir. 

"Green card" ABŞ-ın xarici vətəndaşlara ömürlük və müddətsiz verdiyi daimi vətəndaşlıq vəsiqəsidir. 

"Green card" aldıqdan sonra qanuni şəkildə ABŞ-da yaşamaq, işləmək, oxumaq və daimi vizasız rejimdə ölkəyə girib-çıxmaq hüququ əldə edirsiniz. "Green card" sahibi, Amerika vətəndaşı ilə eyni hüquqlara malik hesab olunur.

Maraqlıdır ki, 2025 il üçün "Green card" müraciətləri nə vaxt başlayacaq?

"Cebheinfo.az" xəbər verir ki, müraciətlər adətən oktyabr ayında başlayır.

Ötən il ərizələr oktyabrın 4-dən noyabrın 7-dək qəbul edilib. 

Müraciətlərin bu ilin oktyabrında qəbulu gözlənilir.

Xatırladaq ki, "Green card" proqramı 1990-cı ildə ABŞ Dövlət Departamenti tərəfindən hazırlanıb. 

Hər il müraciət edən yüz minlərlə şəxs içərisindən 50 000 şəxs qalib olur və onlar ABŞ-da leqal formada köçə bilirlər.

Proqramda seçimlər kompüter vasitəsilə təsadüfi fomada aparılır və qalib gəlmək üçün xüsusi kriteriyalar yoxdur.

"Green card" müraciəti üçün 18 yaşdan yuxarı və ən azı orta təhsil almış hər bir şəxs, o cümlədən Azərbaycan (və ya proqrama düşən digər) vətəndaşları müraciət edə bilər.

Orta təhsili olmayan vətəndaşlar isə müəyyən olunmuş sahələr üzrə ən azı 2 il iş təcrübəsinə (son 5 ildə) sahib olmalıdırlar.

Cavablar adətən növbəti ilin may ayının (istisna hallarda iyun) 1-ci həftəsində açıqlanır.

Ən önəmli məsələ sistem üzərində bütün məlumatları düzgün şəkildə qeyd etməkdir. 

Ailəli insanların hər biri (ər və arvad) ayrı-ayrılıqda müraciət edə bilər və həyat yoldaşının məlumatlarını (ad, soyad, doğum yeri, doğum tarixi və şəkil) daxil etməlidir.

Hansısa biri qalib olduğu halda, digər həyat yoldaşı və övladları da ABŞ vizasına müraciət etmək hüququna malik olurlar.

Ləman İsmayıl
"Cebheinfo.az"