Hindistanda korrupsiya iddiaları ilə bağlı reportajları ilə tanınan 32 yaşlı hind jurnalisti Mukeş Çandrakarın cəsədi Çhattisqarh əyalətində tapılıb.

"Cebheinfo.az" xəbər verir ki, 2024-cü il dekabrın 31-dən itkin düşən jurnalistin ailəsi polisə gedərək jurnalistin itkin düşdüyünü bildirib.

Çandrakarın cəsədi polis əməkdaşları onun mobil telefonundan gələn siqnalları izlədikdən sonra, cümə günü, yanvarın 3-də Bijapur şəhərində yol tikintisi podratçısının binasında tapılıb.

“BBC”-nin məlumatına görə, artıq jurnalistin ölümü ilə bağlı 3 nəfər saxlanılıb.

Saxlanılan şəxslərdən ikisinin qohum olduğu iddiası mətbuatda yer alarkən, jurnalist təşkilatları Çandrakarın ölümünün hərtərəfli araşdırılmasını istəyib.

Nigar Hacılı 
"Cebheinfo.az"