İraqın Kərkük şəhərində Kərkük Beynəlxalq Hava Limanı gecə saatlarında raket hücumuna məruz qalıb.

"Cebheinfo.az" xəbər verir ki, atılan 3 raket hava limanının ərazisinə düşüb.

Hava Limanı İdarəsi tərəfindən verilən açıqlamaya görə, yerli vaxtla saat təxminən 23:30 radələrində mənbəyi hələ məlum olmayan 3 raket hava limanına düşüb.

Raketlərdən ikisi hava limanındakı hərbi bölgəyə, biri isə mülki əraziyə düşüb. Mülki əraziyə düşən raket otluq sahədə yanğına səbəb olub.

Hadisə nəticəsində 1 nəfər yüngül yaralanıb. Uçuş zolağı və ya hava limanının digər obyektlərində hər hansı bir zərər qeydə alınmayıb.

Təhlükəsizlik qurumları hücumun mənbəyini müəyyən etmək üçün araşdırmalar aparır.

Nigar Hacılı 
"Cebheinfo.az"