Hindistanın şərqindəki Bihar əyalətində 100-dən çox uşağın məktəb naharında ölü ilan tapılmasından sonra xəstələndiyi bildirilir. 

Hadisə ilə bağlı Hindistan Milli İnsan Haqları Komissiyası (NHRC) tərəfindən araşdırmalara başlanılıb. 

"Cebheinfo.az" xəbər verir ki, NHRC-nin verdiyi məlumata görə, hadisə Bihar əyalətinin Mokama şəhərində baş verib. Təxminən 500 şagirdə verilən pulsuz naharda ölü ilan tapıldığı, lakin məktəb aşpazının ilanı yeməkdən çıxarıb servisə davam etdiyi bildirilib. 

Yeməkdən sonra bir çox tələbənin xəstələndiyi və yerli əhalinin buna reaksiya verərək yolu nəqliyyata bağladığı bildirilib. Komissiyanın bəyanatında deyilir:

“Əgər iddialar doğrudursa, bu, şagirdlərin insan hüquqlarının ciddi şəkildə pozulduğunu göstərir”. 

Bildirilib ki, iki həftə ərzində dövlət orqanlarından uşaqların sağlamlıq vəziyyəti ilə bağlı ətraflı hesabat tələb olunub. 

Nigar Hacılı 
"Cebheinfo.az"