Hədə-qorxu ilə tələb etmədə təqsirləndirilən Sona Əhmədovanın cinayət işı üzrə məhkəmənin yekun prosesi keçirilib.

"Cebheinfo.az" APA-ya istinadən xəbər verir ki, bu gün Bakı Ağır Cinayətlər Məhkəməsində hakim Telman Hüseynovun sədrliyi ilə keçirilən prosesdə hökm oxunub.

Hökmə əsasən, Sona Əhmədova 6 il müddətinə azadlıqdan məhrum edilib.

Dövlət ittihamçısı onun 7 il azadlıqdan məhrum edilmasini istəyib.

Qeyd edək ki, ittihama görə, təqsirləndirilən şəxs iş yoldaşı Tavat Bayramova vasitəsilə zərərçəkən Xavər Babayevaya 3 min manat faizə pul verib. Ancaq Xavər Babayeva həmin borcu geri ödəyə bilməyib. Bundan sonra S.Əhmədova zərərçəkənə şəkilləri ilə hədə-qorxu gələrək ondan müxtəlif vaxtlarda 35 min manat pul alıb.

Sona Əhmədovaya Cinayət Məcəlləsinin 182.2.4 (hədə qorxu ilə tələb etmə külli miqdarda olduqda) maddəsi ilə ittiham irəli sürülüb.

"Cebheinfo.az"