Tayland tərəfdaş ölkə kimi BRİKS-ə qoşulmaq üçün dəvəti almaqdan məmnundur və qrupa tam üzv olmağa çalışacaq. 

"Cebheinfo.az" xəbər verir ki, bu barədə Tayland Xarici İşlər Nazirliyinin sözçüsü Nikondet Phalanqkun TASS-a bildirib.

Phalanqkun "Bəzi daxili prosedurlar hələ baş tutmadığı üçün biz hələ rəsmi cavab verməmişik. Amma təbii ki, biz BRİKS-in tərəfdaş ölkəsi olmağa dəvət olunduğumuz üçün şadıq", - dedi. 

"Bildiyiniz kimi, Tayland ən qısa zamanda BRİKS-in tamhüquqlu üzvü olmasını gözləyir. Bu, bizim məqsədimizdir", - o əlavə edib.

Xatırladaq ki, noyabrda bir diplomat Taylandın BRİKS-ə tərəfdaş ölkə kimi qoşulmaq üçün dəvət aldığını bildirmişdi. 

Nigar Hacılı 
"Cebheinfo.az"