Ötən ay Azərbaycandan Gürcüstana 2,76 milyon ABŞ dolları həcmində pul köçürülüb.

APA-nın yerli bürosu xəbər verir ki, bu barədə Gürcüstan Milli Bankının hesabatında bildirilib.

İllik müqayisədə məbləğ 19,42% azalıb. Gürcüstana daxil olan pul köçürmələrində Azərbaycanın payı 0,81% olub.

Hesabat ayında Gürcüstandan Azərbaycana isə 7,28 milyon ABŞ dolları həcmində pul köçürmələri həyata keçirilib ki, bu da ötən ilin analoji göstəricisindən 38% çoxdur.

May ayında xarici ölkələrdən Gürcüstana ümumilikdə 339,85 milyon ABŞ dolları həcmində pul köçürmələri daxil olub. Gürcüstandan xarici ölkələrə göndərilən pul vəsaitlərinin həcmi isə 37 milyon ABŞ dolları təşkil edib.

"Cebheinfo.az"