ABŞ Vaşinqtonla vicdanlı ticarət danışıqları aparan ölkələrə qarşı gömrük rüsumunu 10% səviyyəsində müəyyən edəcək.

Bu barədə ABŞ maliyyə naziri Skott Bessent "Bloomberg TV"-yə müsahibəsində bildirib.

"Prezident (ABŞ prezidenti Donald Tramp - red.) vicdanlı danışıqlar aparanları təşviq etmək istəyir. Düşünürəm ki, təxminən 100 ölkə minimum 10% cavab rüsumu alacaq, sonra baxarıq", - deyə o bildirib.

Bessentin fikrincə, ticarət sazişlərinin bağlanması üçün son müddət kimi göstərilən 9 iyuladək bir sıra ölkələrlə "silsiləli şəkildə sazişlərin imzalanmasını gözləmək olar".

"Cebheinfo.az"