“Bütün çətinliklərə baxmayaraq, hökumət və şəxsən mən sülh gündəmindən kənara çıxmayacağıq”. 

“Cebheinfo.az” xəbər verir ki, bunu Ermənistanın Baş naziri Nikol Paşinyan aprelin 15-də Milli Assambleyanın iclasında hökumətin 2024-cü il üçün proqramının (2021-2026-cı illər) icrasının gedişi və nəticələrinə dair hesabatın təqdimatı zamanı deyib.

“Aydındır ki, həm Ermənistanda, həm də onun hüdudlarından kənarda müəyyən qüvvələr hər gün müharibə təbliğatı aparır və onun həyata keçirilməsinə yönəlmiş konkret fəaliyyətə çağırırlar”. 

Paşinyan Azərbaycanı atəşkəs rejiminin pozulmasıyla bağlı hadisələri araşdırmağa və onların qarşısını almaq üçün tədbirlər görməyə çağırıb. "Şəxsən mən təsdiq edirəm ki, Ermənistan ordusuna atəşkəsi pozmamaq barədə dəqiq göstərişlər vermişəm və Ermənistan Respublikası ordumuz tərəfindən atəşkəs rejimini pozması ilə bağlı məlumatları araşdırmağa hazırdır. 

Eyni zamanda, mən bir daha Bakıya təklif edirəm ki, sərhəd insidentlərinin, o cümlədən atəşkəs rejiminin pozulması hallarının araşdırılması üçün birgə mexanizm yaratsın. Ermənistan və Azərbaycan arasında yeni bir eskalasiya və hətta yeni müharibənin baş verməsinə heç bir əsas yoxdur, Ermənistan və Azərbaycan bir-birinin ərazi bütövlüyünü, suverenliyini, güc tətbiqinin və ya güc tətbiqinin yolverilməzliyini tanıyıb”,-deyə baş nazir deyib.
Paşinyan “Ermənistan və Azərbaycan xalqları sülhə, dinc yanaşı yaşamağa layiqdirlər. Müharibə olmayacaq, sülh olacaq" ,-deyə çıxışını yekunlaşdırıb.

 Xəzər
“Cebheinfo.az”