Qışda sağlam qalmaq üçün kifayət qədər meyvə və tərəvəz yemək lazımdır.

“Cebhe.info” xəbər verir ki, bunu Amerika Ürək Assosiasiyasının, eləcə də inteqrativ sağlamlıq, təhsil və tədqiqatlara həsr olunmuş tibb mərkəzi olan Mayo Klinikasının mütəxəssisləri “Health News”-a bildiriblər. 

Meyvə və tərəvəzlərin tərkibində sağlamlıq üçün faydalı olan lif, vitaminlər, minerallar və antioksidant birləşmələr var. Lif bağırsağın fəaliyyətini normallaşdıran pəhriz lifidir. Antioksidant birləşmələr orqanizmin hüceyrələrini oksidləşmə nəticəsində zədələnmədən qoruyur. Ümumdünya Səhiyyə Təşkilatı (ÜST) böyüklərə gündə beş pors meyvə və tərəvəz yeməyi tövsiyə edir. Bir pors bir orta ölçülü meyvə və ya yerkökü deməkdir.

Mövsümə uyğun meyvə və tərəvəz - naringi, portağal, armud, yerkökü, çuğundur və şalgam yemək daha yaxşıdır. Sitrus meyvələri və armudun tərkibində immuniteti qorumaq üçün vacib olan C vitamini var. Onlar həmçinin normal görmə kəskinliyini və ürək-damar sağlamlığını təmin edən A vitamini ilə zəngindir. Bu vitamin həm də orqanizmin yad maddələri və hüceyrələri tanıyıb çıxarma qabiliyyətini yaxşılaşdırır.Kök, şalgam və çuğundurda A, C, K və B vitaminləri, həmçinin kalium və maqnezium kimi minerallar yüksəkdir. Onlar qan laxtalanması, sümük və ürək sağlamlığı üçün vacibdir.

Xəzər
“Cebhe.info”