Siyasi analitik Arye Qut vəfat edib.

Cebhe.info xəbər verir ki, bu barədə onun yaxınları məlumat veriblər.

O, uzun sürən xəstəlikdən sonra İsraildə dünyasını dəyişib.

Xatırladaq ki, Arye Qut 2 iyun 1975-ci ildə Bakıda anadan olub. Bakı Dövlət Universitetinin Beynəlxalq münasibətlər fakültəsini bitirərək, gənc yaşlarında BDU-da müəllim kimi fəaliyyət göstərib.

2000-ci ildə İsrailə köçüb. 2002-2009-cu illər ərzində Arye Qut tanınmış "GİLRO LTD" İsrail şirkətində idxal-ixrac departamentin rəhbəri kimi çalışıb.

2007-2009-ci illərdə Arye Qut Türkiyənin İsraildəki səfiri Namiq Tanın siyasi müşaviri vəzifəsində çalışıb.

Bununla yanaşı, Arye Qut İsrail-Turkiyə və İsrail-Azərbaycan münasibətləri sahəsində İsraildə aparıcı mütəxəssislərindən biri kimi tanınıb.

2016-cı ildən Arye Qut Bakı Beynəlxalq Multikulturalizm Mərkəzinin İsraildəki nümayəndəliyinin rəhbəri kimi fəaliyyət göstərib.

Cebhe.info