Azərbaycanda tədris ilinin başlama və bitmə vaxtı ilə bağlı müzakirələr yenidən başlayıb.

Milli Məclisin deputatı Fazil Mustafa tədris ilinin vaxtının dəyişdirilməsi təklifi ilə çıxış edib. O, dərslərin sentyabrın 1-dən başlanmasının lehinə olduğunu deyib.

Ölkəmizdə 2004-cü ilə qədər tədris ili sentyabrın 1-nə təsadüf edirdi. 21 avqust 2004-cü il tarixli fərmanı ilə Azərbaycanın bütün təhsil müəssisələrində dərslərin 15 sentyabrdan başlanması qərara alınıb, beləliklə, həmin gün Bilik Günü elan edilib.

2019-cu ilədək isə dərs ili 31 may tarixində başa çatıb.

2019-cu ildə ümumtəhsil məktəblərinin 2019-2020-ci dərs ilinə aid tədris planlarının təsdiq edilməsi haqqında əmr imzalanıb. Əmrə əsasən, ümumtəhsil məktəbində dərs məşğələləri sentyabrın 15-də başlayıb iyunun 14-də başa çatır.

Maraqlıdır ki, digər ölkələrdə tədris ili hansı tarixdə başlayır?

Cebhe.info bununla bağlı araşdırma aparıb:

Bir çox ölkələrdə dərslərin başlanma tarixi ölkəmizdəki kimidir.

*Bolqarıstanda dərslərin başlama tarixi Azərbaycanla eynidir.

*ABŞ-da dərslərin başlama tarixi ştatlara görə fərqlənir.

Belə ki, hər ştatdan asılı olaraq, yeni dərs ili avqustdan sentyabradək istənilən tarixdə ola bilər.

*Fransada yeni dərs ili sentyabrın əvvəlində başlayır, lakin dərslərin başlanacağı gün məktəblər tərəfindən təyin edilir.

*Yaponiyada isə tədris ili aprelin 1-də başlayır.

*Rusiyada tədris ilinin başlanğıcı 1 sentyabrdır. Ölkədə dərs ili 25 mayda başa çatır.

*Pakistanda isə dərslərə avqustda start verilir və mayda sona çatır.

*Belçikada da dərs ili sentyabrın sonunda başlayır, iyunun 30-da başa çatır.

*Hindistanda yeni dərs ili iyun ayında başlayır, mart ayında başa çatır.

Hindistanda məktəbə 4 yaşında gedilir.

*Braziliyada isə yeni dərs ili fevralın birinci həftəsi başlayır, dekabrda yekunlaşır.

Braziliya qanunlarına görə, tətil müddəti həm orta, həm də ali məktəblərdə 200 gün olmalıdır.

*Kanadada Əmək Günü sentyabrın ilk bazar ertəsi qeyd edilir və yeni tədris ili başlayır.

*Avstriyada dərslər bəzi bölgələrdə sentyabrın ilk bazar ertəsi başlayır, iyunun son cümə günü isə bitir.

Digər yerlərdə isə sentyabrın ikinci bazar ertəsi başlayıb, iyulun ilk cümə günü bitir

*İrlandiya, Polşa, Litva, İran, Sloveniyada da dərs ili sentybarda başlayıb iyunda başa çatır.

*Türkiyədə isə dərslər 31 aqvust tarixində başlayıb 17 iyunda başa çatır.

Naibə
Cebhe.info