Tehranda HƏMAS lideri İsmayıl Haniyənin öldürülməsi ilə bağlı İran İnqilab Mühafizəçiləri rəsmi açıqlama verib.

"Cebheinfo.az" xəbər verir ki, İnqilab Keşikçiləri Haniyənin otağından kənarda şiddətli partlayışla müşayiət olunan təxminən 7 kq ağırlığında tandem-kumulyativ döyüş başlığına malik raket ilə öldürüldüyünü bildirib.

İnqilab Keşikçiləri Haniyənin öldürülməsini “barbarlıq və terror aktı” adlandırıb: “Hücum məhz ABŞ cinayətkar hökumətinin dəstəyi ilə sionist rejim tərəfindən hazırlanıb və həyata keçirilib”. 

İnqilab Keşikçiləri "Avantürist və terrorçu sionist rejim bu cinayətin cavabını qətiyyətlə alacaq” xəbərdarlığı edib:

“Tehranın intiqamı uyğun vaxt, məkan və ağır şəkildə olacaq”.

Ləman İsmayıl
"Cebheinfo.az"