Ukrayna nadir torpaq metalları üzrə saziş üzrə amerikalı tərəfdaşlarla danışıqlar aparmaq üçün Amerikaya texniki qrup göndərəcək.

“Cebheinfo.az”-ın məlumatına görə, bu barədə Ukrayna Prezidenti Volodimir Zelenski brifinqdə açıqlama verib.

“Komandalar dediyim kimi, bu müqavilə üzərində işləyirlər, biz hüquqi şirkət seçmək məsələsi ilə məşğul oluruq. Ukraynada işləməyə və təmsil etməyə razılaşan üç əsas şirkət var. Gələn həftənin əvvəlində biz üç şirkətdən biri ilə razılığa gələcəyik. Şərtlər hazırda müzakirə olunur”, - deyə Zelenski bildirib.

Prezidentin sözlərinə görə, o, Ukrayna komandası ilə böyük görüş keçirəcək. 

“Burada mənə bizi qane edən və ya bizim üçün ədaləti əks etdirən bütün məqamlar təqdim olunacaq. Biz bu müqavilədə yalnız tərəfdaşlıq addımlarını görürük və komanda bunun üzərində işləyir. Komanda həftənin əvvəlində mənə bu müqaviləni, ən vacib şeyləri qısaca təqdim edəcək və ondan sonra texniki komanda ABŞ-a işgüzar səfərə və amerikalı tərəfdaşlarla dialoqa hazır olacaq”, - dövlət başçısı belə deyib.

Zelenski həmçinin, özünün hələ ABŞ-a səfər etməyi planlaşdırmadığını vurğulayıb.

Müşfiq Abdulla
“Cebheinfo.az”