Zaqatalada yol-nəqliyyat hadisəsi baş verib.

“Qafqazinfo”nun məlumatına görə, hadisə bu gün axşam saatlarında rayonun Yuxarı Tala kəndi ərazisində olub.

Məlumata görə, “KIA” və “VAZ-2106” markalı iki minik avtomobillərinin toqquşması nəticəsində 4 nəfər müxtəlif dərəcəli bədən xəsarətləri alıb.

Onlar Zaqatala Rayon Mərkəzi Xəstəxanasına yerləşdiriliblər.

Faktla bağlı Zaqatala Rayon Polis Şöbəsində araşdırma aparılır.

"Cebheinfo.az"