“ABŞ diplomatik səylərini bərpa etmək istəyirsə, İrana qarşı növbəti zərbələri istisna etməlidir”.

“Cebheinfo.az” xəbər verir ki, bunu xarici işlər nazirinin müavini Məcid Taxt-Rəvançi BBC-yə bildirib. 

Onun sözlərinə görə, ABŞ Prezidenti Donald Tramp administrasiyası vasitəçilər vasitəsilə danışıqlar masasına qayıtmaq istəyini Tehrana çatdırıb:

”Lakin növbəti hücumlarla bağlı “çox vacib məsələ ilə bağlı mövqeyini açıqlamayıb”.

İsrailin iyunun 13-nə keçən gecə başlayan hərbi əməliyyatı iki gün sonra Maskatda baş tutmalı olan dolayı danışıqların altıncı raundunu pozub. ABŞ ötən həftə sonu İsrail və İran arasında münaqişəyə müdaxilə edərək, İranın üç nüvə obyektinə hava zərbələri endirib.

Taxt-Rəvançi həmçinin deyib ki, İran dinc məqsədlər üçün uranı zənginləşdirməyə qadir olmaqda israrlı olacaq və ölkənin gizli şəkildə nüvə bombasına doğru irəliləməsi ilə bağlı ittihamları rədd edib.

Nazir müavini deyib ki, İranın tədqiqat proqramı üçün nüvə materiallarına çıxışı qadağan edilib, ona görə də özünə arxalanmalıdır:

“Zənginləşmənin səviyyəsi, həcmlər müzakirə oluna bilər, amma “uranı zənginləşdirməməlisən, zənginləşdirmə sıfır olmalıdır, əgər razılaşmasan, səni bombalayacağıq” demək cəngəllik qanunudur” dedi.

Məcid Təxt-Rəvançi  İranın proqramının, o cümlədən uranın 60%-ə qədər zənginləşdirilməsinin dinc məqsədlər üçün olduğunu bir daha vurğulayıb.

Xarici işlər nazirinin müavini deyib ki, İran vasitəçilər vasitəsilə ABŞ-nin “İranda rejim dəyişikliyində iştirak etmək istəmədiyi" mesajlarını alıb və ölkənin ali dini lideri Ayətullah Əli Xameneyini hədəf alıb. O əlavə edib ki, iranlılar hökumətin bəzi hərəkətlərini tənqid edə bilərlər: “Lakin söhbət xarici təcavüzə gəldikdə, buna qarşı birləşəcəklər”.

Xəzər
“Cebheinfo.az”