Fransanın paytaxtı Parisdən təxminən 100 km aralıda Şartr şəhəri yaxınlığında kiçik mühərikli təyyarə qəzası nəticəsində üç nəfər ölüb.

Bu barədə "Le Parisien" qəzeti məlumat yayıb.

“Təyyarə yaşayış massivində qəzaya uğrayıb, lakin yaşayış binalarının üzərinə düşməyib”, - məlumatda bildirilib.

Polis hadisənin baş verdiyi ərazini mühasirəyə alıb, hadisə yerində təcili yardım xidmətləri işləyir.

Qəza ilə bağlı araşdırma aparılır. Hadisənin səbəbi açıqlanmır.

"Cebheinfo.az"