İsrail Baş naziri Benyamin Netanyahu ABŞ-İran razılaşmasına baxmayaraq hücumlarını davam etdirən İsrail ordusunun Cənubi Livana işğalını davam etdirəcəyini bir daha vurğulayıb.

"Cebheinfo.az" xəbər verir ki, yazılı bəyanatda Netanyahu bildirib ki, o, Livandakı vəziyyəti qiymətləndirmək üçün Müdafiə naziri Yisrael Katz və Baş qərargah rəisi Eyal Zamir ilə görüşüb.

Netanyahu bildirib ki, onun İsrail ordusuna verdiyi göstərişlər aydındır:

"Dünən də bildirdiyim kimi, İsrail ölkənin şimalındakı icmaları qorumaq üçün zəruri olduğu müddətcə cənub Lübnanındakı təhlükəsizlik zonasında qalacaq".Yisrael Katz bildirib ki, İsrail ordusu cənub Livandan geri çəkilməyəcək.

“X” sosial media hesabındakı paylaşımında Katz iddia edib ki, İsrail ordusu Livanın cənub-qərb sahil zolağından Nabatiyə şəhəri yaxınlığındakı Şaki təpələrinə qədər uzanan işğal etdiyi ərazilərdən geri çəkilməyəcək.

Nigar Hacılı 
"Cebheinfo.az"