İslandiyanın cənub-qərbindəki Qrindavik şəhərində baş verən seysmik aktivlikdən sonra məşhur turistik Mavi Laqun bölgəsini boşaldılıb.

Bir neçə saat sonra ərazidə vulkan püskürüb.

"Cebheinfo.az" xəbər verir ki, İslandiya Meteorologiya İdarəsi səhər saatlarından etibarən bölgədə 200-dən çox zəlzələnin qeydə alındığını açıqlayıb. Səlahiyyətlilər seysmik aktivliyin vulkan püskürməsinə çevrilə biləcəyi barədə xəbərdarlıq etmişdilər.

Yerli vaxtla saat 06:30-da başlayan zəlzələlərdən sonra Mavi Laqon və ətraf yaşayış məntəqələri boşaldılıb. Təxliyədən bir neçə saat sonra Qrindavik şəhərindən 500 metr aralıda vulkan püskürmələri baş verib.

Bölgədə böyük yarığın açıldığı bildirilir, bölgəyə lava soyuducu avadanlıq göndərilib. Vulkanik aktivliyə görə xəbərdarlıq sirenləri çalmağa başlayıb.

Səlahiyyətlilər partlayışın yaydığı zərərli qaz, kül və hissəciklərin bir neçə saat ərzində paytaxt Reykyavikə çata biləcəyini açıqlayıb. İctimaiyyətdən açıq havada olmamaq və səlahiyyətlilərin xəbərdarlıqlarına əməl etmək xahiş olunur.

Nigar Hacılı 
"Cebheinfo.az"