Rusiya Təhlükəsizlik Şurasının sədr müavini Dmitri Medvedyev noyabrın 5-də ABŞ-də keçiriləcək prezident seçkilərinə toxunaraq vurğulayıb ki, rəsmi Moskvanın hər hansı böyük gözləntilərə əsası yoxdur.

Medvedyev bu haqda "Telegram" kanalında yazıb.

Onun fikrincə, seçkilər Rusiya üçün heç nəyi dəyişməyəcək, çünki namizədlərin mövqeləri Rusiyanı məğlub etməyin zəruriliyi ilə bağlı ikipartiyalı konsensusu tam əks etdirir.

“Kamala Harris axmaq, təcrübəsiz, nəzarət edən və ətrafındakı hər kəsdən qorxandır. Onu dolayı yolla Obama ailəsi idarə edəcək. “Saziş təklif edəcəyəm”, “Əla münasibətim var...” deyən yorğun Tramp da sistemin bütün qaydalarına əməl etməli olacaq. O, nə bir günə, nə üç günə, nə də üç aya müharibəni dayandıra bilər. Həqiqətən də buna cəhd etsə, o, yeni Kennedi (sui-qəsd nəticəsində öldürülmüş ABŞ-ın keçmiş prezidenti Con Kennedi) ola bilər”.

"Cebheinfo.az"