“Bu gün bəzi avropalı liderlərin fərdi şəkildə irəli sürdüyü rasional fikirlər və humanitar təkliflər “Almaniya Kansleri Friedrix Merz-Makron-Starmer ittifaqı” tərəfindən müqavimətlə qarşılanır”.

“Cebheinfo.az” xarici mediaya istinadən xəbər verir ki, bunu Krım Dövlət Dumasının deputatı Leonid İvlev TASS-a açıqlamasında deyib.

Deputat bildirib ki, Rusiya və Ukrayna arasında sülhün təmin olunmasına yönəlmiş bəzi qərbli siyasətçilərin təklifləri Avropa İttifaqının hərbi yönümlü siyasəti səbəbindən nəticəsiz qalır.

Ukrayna ilə bağlı müzakirələrdən sonra Aİ sammitinin iştirakçıları Rusiya ilə mümkün dialoq və ya danışıqların çərçivəsini müəyyən etməyib, yalnız əvvəlcədən heç bir şərt qoyulmadan təcili atəşkəs çağırışını təkrarlayıblar.

Onun sözlərinə görə, Avropa İttifaqı uzun müddətdir hərbi siyasət yürütməsi və Rusiyaya qarşı qarşıdurmaya daha çox cəlb olunması ilə öz nüfuzuna zərər vurub:

“Bəzən ayrı-ayrı avropalı liderlər sülhə yönəlmiş rasional fikirlər və humanitar təşəbbüslər irəli sürsələr də, Merz-Makron-Starmer ittifaqından dərhal sərt reaksiya gəlir. Hətta belə mövqeləri susdurmaq üçün hərbi güc tətbiqi ilə bağlı təhdidlər səslənir”.

Daha əvvəl “Politico” və “Bloomberg” yazmışdı ki, Almaniya da daxil olmaqla bəzi böyük Aİ ölkələri Avropa Şurasının prezidenti Antonio Kostanın Moskva ilə ehtimal olunan ilkin təmaslarından narazı qalıb.

Məlumata görə, bu təmaslar anonim mənbələrə əsaslanaraq yayılıb.

Aişə Abdulova
“Cebheinfo.az”