Türkiyədə İstanbuldan İraqa gedən sərnişin avtobusunun qəzaya uğraması nəticəsində 40 nəfər xəsarət alıb.

Bu barədə DHA məlumat yayıb.

Bildirilib ki, hadisə Ankara-Niğdə avtomobil yolunun Aksaray şəhəri yaxınlığında baş verib.

İlkin məlumata görə, sürücü idarəetməni itirib, nəticədə avtobus yoldan çıxıb.

Qəza zamanı avtobusda olan 37 sərnişin, 2 sürücü və 1 bələdçi xəsarət alıb. Yaralılar təcili yardım briqadaları tərəfindən Aksaraydakı xəstəxanalara çatdırılıb.

"Cebheinfo.az"