Slovakiya dekabrda Azərbaycandan qaz idxal edəcək.

“Cebheinfo.az” xəbər verir ki, bu barədə “Dennik N” xəbər portalı məlumat yayıb.

Respublikada milli qaz enerjisi sisteminin ən böyük operatoru olan Slovakiyanın SPP şirkəti Ukrayna ərazisindən tranzitin dayandırılmasından ehtiyat edərək Azərbaycandan qazın tədarükü üçün qısamüddətli sınaq müqaviləsi imzalayıb.

“Azərbaycan tərəfdən tərəfdaş dövlət şirkəti SOCAR-dır. Müqavilə bir aylıqdır. Slovakiya və Azərbaycan şirkətləri arasında əməkdaşlıq uğurlu olarsa, bu müddət uzadıla bilər”,-deyə məlumatda deyilir.

Bununla belə, portalın qeyd etdiyi kimi, hazırda söhbət Ukraynanın bir neçə həftə ərzində Rusiya Federasiyasından Aİ ölkələrinə qaz tranzitini dayandırması fonunda Bratislavanın atdığı sınaq addımından gedir.

SPP hazırda BP, ExxonMobil, Shell, Eni və RWE ilə Slovakiyaya qaz tədarükü üçün pilot müqavilələrə malikdir. Alınan qazın konkret həcmini nəzərdə tutmurlar.

Xəzər

“Cebheino.az”