Maykl Ceksonun ölümü zamanı onun 500 milyon dollardan çox borcu olub.

“Cebhe.info” xəbər verir ki, bunu PEOPLE-ın əldə etdiyi məhkəmə sənədləri göstərir

Cekson 25 iyun 2009-cu ildə 50 yaşında Los-Ancelesdə ürək tutmasından ölüb. Pop kralı ölümündən əvvəl Los-Ancelesdəki Staples Center-də altı saatlıq geyim məşqi keçirib. Geri dönüş planının bir hissəsi olaraq, o, 2009-cu ilin iyulundan 2010-cu ilin martına qədər davam etməsi planlaşdırılan şounu mükəmməlləşdirmək üçün yeni mahnılar yazıb və saatlarla yorucu məşqlərə dözüb.

Bununla belə,  “Times” qəzetinin yazdığına görə, Ceksonun hədsiz xərcləmə vərdişlərini nəzərə alsaq, onun illik 30 milyon dollarlıq borcunu ödəmək üçün pula ehtiyacı var idi. 

Nəşr bildirib ki, 2013-cü ilin avqustunda məhkəmədə Ceksonun xeyriyyəçilik, hədiyyələr üçün pul xərclədiyi bildirlib. O, səyahət, incəsənət və mebel üçün də çox miqdarda pul xərcləyib. 

O, zərgərlik məmulatları üçün çox pul xərcləyib.

Nəşrin məlumatına görə, hələ 1993-cü ildə Ceksonun artan borcu yığılıb və 1998-ci ilə qədər onun artıq 140 milyon dollar borcu var idi. Qeyd olunub ki, 2001-ci ilin iyunundan 2009-cu ilin iyununa qədər Ceksonun borcu təxminən 170 milyon dollar artıb. Ackerman qeyd edib ki, Ceksonun kreditləri üzrə faizlər də illər ərzində artıb və ildə 7%-dən 16,8%-ə qədər yüksəlib.

Xəzər
“Cebhe.info”