Qızlarını inuit (eskimos) kimi təqdim edən kanadalı qadın üç il müddətinə azadlıqdan məhrum edilib.

Bu, yerli şəxsin kimliyini saxtalaşdırdığına görə tarixdə ilk həbs cəzasıdır.

“Cebhe.info” bu barədə Kanada mətbuatına istinadən xəbər verir. 

Qızları inuitlər üçün nəzərdə tutulan müavinətlərindən 150000 Kanada dollarından çox pul əldə edən Karima Manji fevral ayında dələduzluqda ittiham edilib. O, öz günahını etiraf edərək məhkum olunub. Son illərdə Kanadada yalandan yerli olduqlarını iddia edən insanlarla bağlı işlərin artdığı müşahidə olunur.

“Toronto Time” qəzetinin məlumatına görə, şəhər sakini Karima Manji 2016-cı ildə qızları Amira və Nadia üçün inuit şəxsiyyət vəsiqəsi almaq üçün müraciət edib.

Kanadanın təxminən 70.000 inuit əhalisi var. Onlar daha çox 3 milyon kvadrat kilometrdən çox ərazini əhatə edən, inuitlərin şimal vətəni olan Nunanqatda yaşayırlar.

59 yaşlı Manji 1990-cı illərdə qısa müddət ərzində ərazinin paytaxtı İqaluitdə yaşayıb. Lakin onun qızları Nadia və Amira Ontarioda anadan olublar, inuit və ya Nunavut torpaqları ilə heç bir əlaqələri yoxdur.

Ərizəyə baxanları çaşdırmaq üçün Manji Kitty Noah adlı yerli qadından dünyaya gələn qızları övladlığa götürdüyünü bildirib.

İcma üzvləri saxta qeydiyyatın qarşısını almaq üçün lazımi araşdırma aparsalar da, Manjinin ərizəsi prosesə nəzarət edən orqan tərəfindən təsdiqlənib. O vaxt hər ikisi 18 yaşda olan Amira və Nadia yeni əldə etdikləri inuit şəxsiyyət vəsiqələrindən yararlanaraq pul almaq üçün Kakivak Dərnəyinə müraciət ediblər. Bu da məhkəmə sənədlərində “təhsillə bağlı xərclərin ödənilməsi üçün”  göstərilib.

Razılaşdırılmış faktlara əsasən, 2020-ci ilin sentyabrından 2023-cü ilin martına qədər Nadia və Amira Nunavut təşkilatlarından 158,254,05 Kanada dolları müavinət alıblar. 2023-cü ilin yazında Amira Gill üçün daha 64,413 Kanada dolları ayrılıb, lakin ödənilməyib.

Xəzər 
"Cebhe.info"