Yaponiyada paytaxt Tokioya bağlı Kita bölgəsində yerləşən ibtidai məktəbdə baş verən yanğın nəticəsində 8 şagird və 2 müəllim xəsarət alıb, 300-dən çox şagird təxliyə edilib.

"Cebheinfo.az" xəbər verir ki, Kyodo agentliyinin yaydığı məlumata görə, Kita bölgəsindəki ibtidai məktəbdə səhər saatlarında yanğın baş verib.

Hadisə nəticəsində 8 şagird və 2 müəllim yaralanıb. Məktəbdə təhsil alan 300-dən çox şagird təhlükəsizlik məqsədilə binadan çıxarılıb.

Səlahiyyətlilər şagirdlərin vəziyyətinin ağır olmadığını, əksəriyyətinin tüstüdən zəhərləndiyini bildiriblər.

Yerli yanğınsöndürmə xidməti məktəbin 4-cü mərtəbəsində yerləşən musiqi otağında başlayan yanğının səbəbinin araşdırıldığını açıqlayıb. 

Nigar Hacılı 
"Cebheinfo.az"