Aprelin 29-dan Braziliyanın cənubundakı Rio Qrande-du-Sul əyalətində yağan güclü yağışların səbəb olduğu daşqın nəticəsində insan tələfatı artır.

"Cebhe.info" xəbər verir ki, Rio Qrande-du-Sul Mülki Müdafiə tərəfindən edilən açıqlamada sel fəlakətində həyatını itirənlərin sayının 154-ə yüksəldiyi, 806 nəfərin yaralandığı bildirilib.

Bildirilib ki, itkin düşənlərin sayı 94-ə çatıb. 2 milyon 304 min 422 nəfər daşqından zərər çəkib, 78 min 165 nəfər isə sığınacaqlara yerləşdirilib.

Xilasetmə işlərinə 27 min 753 personal, 4 min 85 nəqliyyat vasitəsi, 21 təyyarə və 289 gəmi cəlb olunub.

Nigar Hacılı 
"Cebhe.info"