Cənubi Çin dənizinin mübahisəli hissəsində Çin Spratli adalarından üç Filippin təyyarəsini uzaqlaşdırdığını bildirib.

"Cebheinfo.az" xəbər verir ki, Çin Xalq Azadlıq Ordusunun Cənub Cəbhəsi Komandanlığından verilən açıqlamada Filippinə məxsus 1 ədəd "C-208" və 2 ədəd "N-22" tipli təyyarənin çinlilərin "Nanşa adaları" adlandırdığı ada və qayalıqların yerləşdiyi bölgənin hava məkanına qeyri-qanuni yollarla daxil olduğu bildirilib.

Açıqlamada sahil mühafizə bölmələrinin vəziyyəti yaxından izlədiyi və təyyarələrə xəbərdarlıq edilərək ərazidən uzaqlaşdırıldığı qeyd edilib.

Nigar Hacılı 
"Cebheinfo.az"