Xəbər verdiyimiz kimi, İranın keçmiş Ali Lideri Əli Xameneyinin cənazəsi Məşhədə çatdırılıb. Ancaq  dəfn mərasimi təxirə salınıb.

“Cebheinfo.az” xəbər verir ki, bu barədə “Mehr” yazıb.

Başqa bir agentlik olan “Nour News” əvvəllər xəbər vermişdi ki, İslam Respublikasının keçmiş Ali Liderinin dəfn mərasimi cümə axşamı səhər saatlarında keçirilməsi planlaşdırılan mərasim Xameneyinin cənazəsinin İraqın Nəcəf şəhərində gecikməsi səbəbindən bu gün saat 14:00-a qədər təxirə salınıb.

"Mərhum Ali Liderin cənazəsini daşıyan təyyarə Məşhəd Hava Limanına enib", - deyə məlumatda bildirilir.

Kərbəladakı vida mərasimindən sonra Xameneyinin və ailəsinin olduğu tabutlar Nəcəfə qaytarılıb və oradan dəfn üçün İrana aparılıb. Nəcəf Hava Limanının mətbuat xidmətinin məlumatına görə, Xameneyinin cənazəsini daşıyan təyyarənin dünən saat 21:00 ilə 23:00 arasında İrana uçması planlaşdırılırdı.

İranın dövlət televiziyasının məlumatına görə, Ali Liderin dəfn mərasimində iştirak etmək üçün 27 ölkədən 4700-dən çox əcnəbi Məşhədə gəlib.

Xatırladaq ki, Xameneyi 28 fevralda ABŞ və İsrailin Tehrana endirdiyi hava zərbələri nəticəsində həlak olub. Mart ayı ərzində davam edən hava hücumları səbəbindən dəfn mərasimi keçirilə bilməyib və bu da hakimiyyət orqanlarının infrastrukturun hazırlanması zərurətini əsas gətirərək tədbiri təxirə salmasına səbəb olub.

Xəzər
“Cebheinfo.az”