İsrail mediası İtaliya, Fransa və Yunanıstana məxsus hava yolu şirkətlərinin təhlükəsizlik səbəbi ilə ölkəyə gediş-gəliş uçuşlarını dayandırdığını bildirib.

"Cebheinfo.az"  İsrailin “İsrail Hayom” qəzetinə istinadən xəbər verir ki, İtaliyanın İTA aviaşirkəti yanvarın 12-dək İsrailə gedən və gələn uçuşları dayandırdığını açıqlayıb.

Bildirilib ki, İTA İsraildə müntəzəm fəaliyyət göstərən yeganə italyan şirkətidir.

Xəbərə görə, Fransanın “Air France” aviakompaniyası da dekabrın 26-dək İsrailə bütün uçuşları ləğv edib.

Digər tərəfdən Yunanıstan mərkəzli Aegean Airlines dekabrın 3-dək İsrailə uçuşlar həyata keçirməyəcəyini açıqlayıb.

Nigar Hacılı 
"Cebheinfo.az"