Türkiyənin Muğla vilayətinin Marmaris qəsəbəsinin Çamlı məhəlləsində yerləşən İncekum çimərliyi təkcə qızılı qumu və təmiz dənizi ilə deyil, həm də ziyarətçilərinə təqdim etdiyi qeyri-adi nəqliyyat təcrübəsi ilə diqqəti cəlb edir.

"Cebheinfo.az" xəbər verir ki, qorunan təbii mühitə zərərin qarşısını almaq üçün şəxsi nəqliyyat vasitələrinin çimərliyə buraxılmaması tövsiyə olunur.

Ziyarətçilər nəqliyyat vasitələrini dayanacaqda qoyur və təxminən 4 kilometr məsafəni qət edərək qoşqu çəkən traktorlarla İncekuma çatırlar. Bu təcrübə həm ərazidəki tıxacları azaldır, həm də təbii mühiti qoruyur.

İncekuma çatmaq tətilin ilk anlarından unikal bir təcrübəyə çevrilir. Şam meşələrində traktor səyahəti, xüsusən də ilk dəfə gələnlər üçün unudulmaz anlar yaradır.

Yay mövsümündə traktorlar gün ərzində fasiləsiz işləyir və hər gün yüzlərlə ziyarətçini İncekum çimərliyinə daşıyır.

Çimərliyə bu cür giriş üsulu İncekumu Marmarisdəki digər çimərliklərdən fərqləndirən ən vacib xüsusiyyətlərdən biridir.

İncekuma səyahətin ən diqqət çəkən hissəsi olan traktor gəzintisi, xüsusən də xarici turistlərin böyük marağına səbəb olur.

Bir çox ziyarətçi təxminən 4 kilometrlik bu səyahət zamanı mobil telefonları ilə foto və video çəkərək bu anı əbədiləşdirir.

Şam meşələrindən keçən bu qeyri-adi nəqliyyat təcrübəsi sosial mediada tez-tez paylaşılır. Uşaqlı ailələr üçün traktor gəzintisi dənizə çatmadan başlayan xoş bir fəaliyyətə çevrilir.

İncekuma ilk dəfə gələn bir çox ziyarətçi traktor gəzintisini, gözlədiklərindən daha yaxşı olduğunu söyləyirlər.

Dənizə çatmadan başlayan bu unikal təcrübə, xüsusən də uşaqlı ailələr və xarici turistlər üçün tətilin unudulmaz anlarından biri kimi diqqət çəkir.

Səyahətdən sonra ziyarətçiləri qızılı incə qum, təmiz dəniz və şam meşələri ilə əhatə olunmuş təbii bir körfəz qarşılayır.

Tamamilə qumlu dəniz uzun məsafədə dayaz qaldığı üçün İncekuma xüsusilə uşaqlı ailələr üstünlük verir.

Arzu edənlər günəş şezlonqları icarəyə götürür, digərləri isə düşərgə stulları və öz yeməkləri və içkiləri ilə günü keçirirlər. Çimərlikdə əsas ehtiyacları təmin edən bir müəssisə də var.

Nigar
"Cebheinfo.az"