NATO-nun baş katibi Mark Rutte Ukraynadakı müharibənin bu ilin sonuna qədər başa çata biləcəyinə inandığını bildirib.

“Cebheinfo.az” xəbər verir ki, o, “El País”-ə verdiyi müsahibədə "Sülh razılaşması əldə olunsa belə, Rusiya uzun müddət təhdid olaraq qalacaq",-deyib.

Donald Trampa heyranlığını gizlətməyən Rutte əvvəlcə Ukrayna ərazisinin Rusiyaya verilməsini özündə ehtiva edən sülh planının "müzakirə üçün yaxşı əsas" olduğunu deyib.

"Təklifdə həm etibarlı, həm də əlavə işlənmə və dialoq tələb edən digər elementlər var. Ukraynalılar və ABŞ hazırda məhz bunu edirlər", - deyə o bildirib.

Ukraynanın NATO-ya üzvlük perspektivlərinə gəldikdə, Rutte qeyd edib ki, Rusiyanın bu məsələdə nə səsi, nə də vetosu var:

“Lakin Vaşinqton da daxil olmaqla bir sıra müttəfiqlər buna qarşı çıxır”.

"Əgər bu mümkün deyilsə, Ukraynanın Rusiyanın cəhdlərini təkrarlamasının qarşısını almaq üçün ən azı kifayət qədər təhlükəsizlik zəmanəti olmalıdır", - deyə o əlavə edib.

Xəzər
“Cebheinfo.az”