Kriptovalyuta bazarında son sutkada əsas aktivlər üzrə əsasən mənfi dinamika qeydə alınıb.

“APA-Economics” xəbər verir ki, bazarın lideri olan Bitcoin (BTC)-in qiyməti 61 460,66 ABŞ dolları təşkil edib. Kriptovalyuta son 24 saat ərzində 2,28% dəyər itirib.

Bazar dəyərinə görə ikinci ən böyük kriptovalyuta olan Ethereum (ETH)-un qiyməti 1 643,35 ABŞ dolları olub. Aktiv son sutkada 1,87% ucuzlaşıb. BNB-nin qiyməti isə 569,61 ABŞ dolları təşkil edib ki, bu da son 24 saatda 1,74% azalma deməkdir.

Digər iri kriptovalyutalar arasında XRP son 24 saatda 1,93%, Solana (SOL) 1,46%, Dogecoin (DOGE) isə 2,81% ucuzlaşıb. Hyperliquid (HYPE)-in qiyməti 63,27 ABŞ dolları olub və son sutkada 1,58% artıb.

Stabilkoinlərdən Tether (USDT) 0,03% azalaraq 0,9985 ABŞ dolları, USD Coin (USDC) isə 0,01% geriləyərək 0,9997 ABŞ dolları səviyyəsində qərarlaşıb.

Bununla yanaşı, əsas aktivlər arasında müsbət dinamika göstərənlərdən biri TRON (TRX) olub. Onun qiyməti 0,3298 ABŞ dollarına yüksəlib, son 24 saatda isə 0,27% artım qeydə alınıb.

"Cebheinfo.az"