Tanınmış sabiq futbolçu Devid Bekhem və həyat yoldaşı Viktoriya Bekhem Atalar Günü münasibətilə ailə şəkillərini paylaşaraq diqqət çəkiblər.

“Qafqazinfo” “People” nəşrinə istinadən xəbər verir ki, Viktoriya instaqram hesabında Devid və övladları – Bruklin, Romeo, Kruz və Harper Bekhemlə birlikdə çəkilmiş köhnə fotosunu paylaşaraq həyat yoldaşına sevgi dolu mesaj ünvanlayıb:

“Devid, sən həqiqətən də ən yaxşı atasan. Ən böyük uğurun gözəl övladlarımız olub və biz səni çox sevirik. Atalar Günün mübarək!”

Qeyd edək ki, kənardan ideal görünən Bekhem ailəsində daxili gərginliklər də az deyil. Belə ki, ailənin böyük oğlu Bruklin Bekhem uzun illər boyu nəzarəti altında olduğu valideynlərini ictimaiyyət qarşısında süni “xoşbəxt ailə” obrazını manipulyasiya etməkdə ittiham edib.

Hətta bundan öncə Bruklinin toy günündə gəlin Nikola Peltz ilə Viktoriya Bekhem arasında yaşanan gəlinlik geyimi davası və toyun təfərrüatları ilə bağlı qalmaqal mətbuatda böyük rezonans yaratmışdı.

https://www.instagram.com/p/DZ1-cn6jmrb/?utm_source=ig_web_copy_link&igsh=NTc4MTIwNjQ2YQ==

https://www.instagram.com/p/DZ2F1a-iDky/?utm_source=ig_web_copy_link&igsh=NTc4MTIwNjQ2YQ==

"Cebheinfo.az"