ABŞ Dövlət katibi Marko Rubio Ermənistanı tərk etdikdən sonra Ararat Mirzoyana hədiyyə göndərib.

“Cebheinfo.az” xəbər verir ki, bu barədə Ermənistanda nəşr olunan “Hraparak” qəzeti yazır.

“May ayının 26-da Ararat Mirzoyan ABŞ Dövlət katibi Marko Rubio ilə “Zvartnots” hava limanında qısa görüş keçirib və sənədlər imzalanıb.

Bu görüşdən bir neçə gün sonra ABŞ-nin Ermənistandakı səfirliyi ABŞ Dövlət katibi adından Mirzoyana boşqab və kasa çatdırıb. Bu hədiyyələr iyunun 10-da Xarici İşlər Nazirliyinə göndərilib.

Korrupsiyanın Qarşısının Alınması Komitəsindən əldə etdiyimiz məlumata görə, boşqab və kasa “Salisbury Pewter” markalıdır və qalaydan hazırlanıb.

Boşqabın dəyəri 175.200 dram (477,88 dollar-red.), kasanın dəyəri isə 91.280 dramdır (249 dollar-red.)”, - deyə məlumatda qeyd edilir.

Müşfiq Abdulla 
“Cebheinfo.az”