"Hörmüz boğazından təhlükəsiz keçid yalnız İranın müəyyən etdiyi marşrutlar üzrə mümkündür".

"Cebheinfo.az" xəbər verir ki, bunu İran İslam İnqilabı Keşikçiləri Korpusunun (SEPAH) Hərbi Dəniz Qüvvələri yaydıı bəyanatda  bildirib.

SEPAH-ın bəyanatında qeyd olunub ki, bəzi qurumlar İranla razılaşdırmadan və koordinasiya aparmadan boğazda gəmilərin hərəkəti üçün yeni marşrut elan ediblər:

"Hörmüz boğazından keçid üçün yeganə rəsmi marşrutlar İranın elan etdiyi marşrutlardır. Bu marşrutlardan kənarda hərəkət son dərəcə təhlükəlidir və qadağandır. Bütün gəmi heyətlərinə xəbərdarlıq edirik ki, elan olunmuş marşrutlardan kənara çıxmasınlar”.

SEPAH-ın bəyanatında "Hörmüz boğazından keçmək istəyən bütün gəmilər Kanal 16 vasitəsilə İran Hərbi Dəniz Qüvvələri ilə əlaqələndirmə aparmalıdır. Hörmüz boğazından keçid zamanı SEPAH Hərbi Dəniz Qüvvələri ilə Kanal 16 üzərindən koordinasiya məcburidir. Tələbləri pozan gəmilərlə bağlı tədbir görüləcək”,-deyə vurğulanıb.

Xəzər

"Cebheinfo.az"