Cənubi Koreya Konstitusiya Məhkəməsi müvəqqəti olaraq vəzifəsindən uzaqlaşdırılan Yoon Suk Yeolun vəzifəsinə qayıdıb-qayıtmayacağı ilə bağlı qərarını aprelin 4-də verəcəyini açıqlayıb.

“Cebheinfo.az” “Yonhap”a istinadən xəbər verir ki, məhkəmənin açıqlamasında qərar elan olunduğu zaman ictimaiyyətin iştirakına və canlı yayıma icazə veriləcəyi qeyd edilib.

Məlumatda Yoonun vəzifəsinə qayıdışı ilə bağlı qərarın aprelin 4-ü yerli vaxtla saat 11:00 radələrində ictimaiyyətlə paylaşılacağı açıqlanıb. Bu arada Cənubi Koreyanın Milli Polis Agentliyi, Yoonun impiçment məhkəməsi üçün ölkədəki polis qüvvələrinin fövqəladə vəziyyətin ən yüksək səviyyəsi olan "Gapho"ya keçirəcəyini açıqlayıb.

Seul Polis Agentliyi həmçinin paytaxtda Konstitusiya Məhkəməsi yaxınlığındakı yolların bağlanacağını və nəqliyyata nəzarət üçün əraziyə 810 personalın ayrılacağını açıqlayıb.

Nigar Hacılı 
"Cebheinfo.az"