"Görünən budur ki, Çin ABŞ qarşısında geri çəkilən deyil. 

Bu, mənim proqnozlarıma uyğun ssenarinin daha gerçək olacağınun təsdiqidir. Belə ki, vəziyyət kifayət qədər mürəkkəbdir. Trampın tarif siyasəti ABŞ-ni çox acı bir gerçəkliklə üz-üzə qoydu,Çin iqtisadiyyatının ABŞ-dən deyil, ABŞ iqtisadiyyatının Çindən asılı olduğu əyani sübuta yetirdi və hələ bir az da çox yetirəcək". 

"Cebheinfo.az" xəbər verir ki, bunu iqtisadçı-ekspert Pərviz Heydərov deyib. 

Ekspertin sözlərinə görə, bəziləri  tezliklə tərəflərin danışıqlar masası arxasında oturaq müzakirələrə başlayacağını gözləyirdi:

"Halbuki, elə deyildi. Çin ABŞ-nin başlatdığı “tarif müharibəsi”ndə daha təmkinli və ağıllı mövqe nümayiş etdirdi və etdirir. Bunu təkcə bir fakt nümayiş diqtə edir. Pekin ABŞ-yə qarşı tarifləri 125 %-ə qaldırandan sonra bəyan etdi ki, bu sondur, qeyd olunan rəqəmdən də artıq rüsum artımı faktiki mənasız xarakter daşıyır.

Yəni, ABŞ mallarına, ümumiyyətlə, yaxın durmağa dəyməyəcək. Tramp administrasiyası isə tarifləri 200%-dən də yuxarı qaldıracağı haqda danışır ki, bu gülüncdür. Amerika nə istəyir ? Pekin boyun əyən deyil, bu, dəqiqdir".

Nigar 
"Cebheinfo.az"