Tonqa sahillərində baş verən 7,3 bal gücündə zəlzələdən sonra sunami xəbərdarlığı edilib.

“Report” xəbər verir ki, müvafiq xəbərdarlığı ABŞ Milli Okean və Atmosfer Administrasiyası (NOAA) edib.

Avropa-Aralıq dənizi Seysmoloji Mərkəzi yeraltı təkanların maqnitudasını 7,1 bal qiymətləndirib.

Zəlzələnin episentri təxminən 1700 nəfərin yaşadığı Panqai şəhərindən 76 kilometr cənub-şərqdə, 10 kilometr dərinlikdə olub.

Tonqa Okeaniyanın mindən çox adadan ibarət subregionu olan Polineziyada yerləşir. 1970-ci ildə müstəqillik əldə edən ölkənin əhalisi 100 min nəfərdən bir qədər çoxdur. Ölkəni Tupou sülaləsindən olan konstitusiya monarxı idarə edir.

"Cebheinfo.az"