Azərbaycanda doğum göstəriciləri azalmağa davam edir, proses əhalinin qocalmasına doğru gedir.

“Cebheinfo.az” xəbər verir ki, iqtisadçı Natiq Cəfərli bununla bağlı maraqlı paylaşım edib.

Həmin paylaşımı təqdim edirik:

“Dövlət Statistika Komitəsinin rəsmi hesabatına əsasən, 2025-ci ilin (yanvar-may) aylarında 38 836 uşaq, 2026-cı il (yanvar-may) aylarında isə 28 631 körpə dünyaya gəlib.

Beləliklə, doğum sayı cəmi bir il ərzində eyni dövr üçün 10 205 nəfər (təxminən 26 %) azalıb. Hər 1000 nəfərə düşən doğum əmsalı isə 2025-ci ilin ilk 5 ayında 9,2 olduğu halda, 2026-cı ilin müvafiq dövründə 8,5-ə enib".

Onun sözlərinə görə, məmləkət "demoqrafik fəlakətə" doğru gedir:

"Cəmi 15-20 ildən sonra təqaüdçülərin sayı rəsmi işləyənlərin sayından çox olacaq. Ölkəmiz 2006-cı il Yunanıstanının vəziyyətinə düşəcək, amma Yunanıstan Aİ ölkəsidir, Avropa onlara 180 mlrd. avro verdi, böhrandan dartıb-çıxardı. Biz nə edəcəyik?!"

İqtisadçı bildirib ki, gənclər xaricə köçür, ailə qurmur, çox uşaq doğmurlar:

"İnsanlara ümid, işıq, müsbət mesajlar vermək, pozitiv qərarlar almaq lazımdır...”

Əhməd 
“Cebheinfo.az”