Yalnız üç gecə pis yuxu, gecə təxminən dörd saat  yatmaq ürək xəstəliyi riskini artırır.  

İsveçin Uppsala Universitetində aparılan yeni araşdırmada elm adamları bunu sübut ediblər. 

“Cebheinfo.az” xəbər verir ki, nəticələr BMC jurnalında dərc olunub.

Bunlar stress zamanı və ya bir xəstəliklə mübarizə apararkən bədənin istehsal etdiyi molekullardır. Bu zülalların səviyyələri uzun müddət yüksək qaldıqda qan damarlarına zərər verə bilər və ürək çatışmazlığı, koronar arteriya xəstəliyi və atrial fibrilasiya (düzgün olmayan ürək döyüntüsü) kimi problemlərin riskini artıra bilər.

Tədqiqatda qida qəbulundan tutmuş fiziki aktivlik səviyyələrinə və işığa məruz qalmaya qədər hər şeyin diqqətlə izləndiyi laboratoriyada bir neçə gün keçirən 16 sağlam gənc iştirak etdi. İştirakçılar iki cədvələ salınıb: üç gecə müntəzəm yuxu (8,5 saat) və üç gecə məhdud yuxu (4,25 saat).

Hər yuxu mərhələsindən sonra kişilər qısa, yüksək intensivlikli velosiped idmanı həyata keçiriblər, onların qanı əvvəl və sonra analiz edilib. Tədqiqatçılar qan nümunələrində təxminən 90 fərqli zülal ölçüblər. Onlar yuxu çatışmazlığının ürək xəstəliyi ilə əlaqəli iltihabi markerlərin açıq şəkildə artmasına səbəb olduğunu tapdılar. Məşq adətən interleykin-6 və BDNF (beyin və ürək sağlamlığını dəstəkləyən) kimi faydalı zülalların səviyyəsini artırsa da, zəif yuxudan sonra bu reaksiyalar zəifləyir. Maraqlıdır ki, dəyişikliklər hətta gənc, sağlam insanlarda da bir neçə gecə zəif yuxudan sonra baş verib.

Xəzər
“Cebheinfo.az”